Ao longo de este curso tócanos traballar de maneira diferente á que estamos acostumados e con novas normas para todos os que formamos a comunidade educativa.
Estas novas normas quixemos presentalas con cartelería atractiva para que pouquiño a pouco os nosos rapaces as vaian interiorizando.
Hoxe foi un día moi especial, xa que comezamos un novo proyecto: CON-CIENCIA. Nel traballaremos distintos aspectos sobre a materia e a enerxía, apostando sempre pola sostenibilidade.
Como desafío fixemos un experimento que consistía en prender unha bombilla cun par de patacas. A continuación plasmamos as nosas impresións na rutina de pensamento "antes pensaba - agora penso", reflexionando sobre o que acababa de acontecer.
Por último traballamos na metacognición inicial, reflexionando sobre o que sabíamos sobre o proxecto, que queremos saber, como nos sentimos, etc... e elaboramos o plan de equipo, porque a pesar de que coa nova normalidade non poderemos traballar en cooperativo como víñamos facendo, toca reinventarse e traballar en equipo doutra maneira aproveitando as novas tecnoloxías.
En Ciencias Sociais comezamos unha nova unidade didáctica sobre o universo. Pero fixémolo dunha maneira diferente, cun método distinto; as PAISAXES DE APRENDIZAXE. Trátase dunha forma diferente de programar os contidos a traballar, tendo en conta as Intelixencias Múltiples e a Taxonomía de Bloom.
Deste xeito, preséntase aos nenos un percorrido cunha serie de actividades de diferente tipo, tendo en conta o antes mencionado, e son eles mesmos os que deciden que percorrido realizar no seu proceso de aprendizaxe.
Pouco a pouco xa imos meténdonos de cheo nas tarefas escolares. Este ano temos novos dispositivos, chromebooks e portátiles. Levamos varios días aprendendo a utilizalos e hoxe xa comezamos a traballar con eles. A verdade é que estamos aprendendo un montón de cousas relacionadas coa informática que non sabíamos, e isto só acaba de comezar!!
Pouco a pouco imos retomando todo o relacionado co escolar. Hoxe retomamos un proxecto de robótica que tiñamos pendiente do curso pasado. Estamos a facer eirugas! Unha vez que rematemos a montaxe poderemos comezar a programar.
Hoxe, despois de moitos meses, por fin puidemos voltar ás aulas. Foi un día cargado de nervios pero emocionante. Ter de novo a posibilidade de estar cos nosos compañeiros e profes é motivo de alegría.
Comezamos a mañá falando un pouco desta "nova normalidade", das nosas inquietudes, etc... Despois puidemos desfrutar dun longo recreo aproveitando o bo tempo.
Finalmente, fixemos unha pequena actividade que consistía en pensar no noso recordo favorito deste último medio ano e plasmar ese recordo tanto en imaxes como en palabras. Unha vez rematado tivemos a oportunidade de compartilo cos nosos compañeiros.
