Este martes 23 de abril, coincidindo co día do libro, celebramos con outros centros de Escolas Católicas unha sinxela festa da lingua galega, cun roteiro polas rúas de Santiago, lembrando a algunhas persoas ilustres para a literatura galega, como son Antón Fraguas ou Rosalía de Castro.
Durante o mes de Maio, no colexio fixemos diferentes actividades para celebrar a festividade das Letras Galegas.
Unha destas actividades foi un concerto na que algúns dos nosos compañeiros e compañeiras interpretaron algunhas pezas musicais típicas de Galicia.
Podedes ver o vídeo cas actuacións aquí debaixo:
Como parte das actividades que se están a levar a cabo para celebrar o día e a semana das Letras Galegas no cole, este mércores recibimos a visita de Carlos García.
Carlos, entre outras cousas, foi un dos culpábeis de que a coñecida rede social Twitter puidese estar na nosa lingua, o galego. Durante o tempo que estivo connosco, contounos cómo foi todo o proceso para conseguir que unha empresa tan grande se dese conta de que se demandaba a existencia da lingua galega na súa rede social.
Así mesmo, Carlos tamén nos animou a ter unha forte conciencia lingüística ca nosa lingua, e tratar de preservala da mellor e máis sinxela maneira posible, utilizándoa e sen ter medo a facelo en calquera contexto.
Moitas grazas pola túa visita Carlos, e polas todas as túas palabras e consellos!
No día de onte, e para coñecer un pouco máis sobre a nosa lingua e a nosa cultura, visitamos o Museo do Pobo Galego.
A maiores de visitar as diferentes salas do museo e aprender sobre a nosa terra e a nosa historia, tivemos a oportunidade de facer una pequena xincana mentres percorríamos as instalacións.
Unha das actividades desta semana de conmemoración das Letras Galegas, adicada a Xela Arias, realizouse a lectura de varios versos, de diferentes obras da homenaxeada.
Por equipos, elixiron un deses versos e a partir del reflexionaron sobre o que lles transmitía para reflexalo, a través dunha serie de fotografías, que realizaban polas instalacións do colexio.
Unha vez realizadas as fotografías, había que crear unha montaxe, empregando o Canva, no que transmitir as emocións, ideas, pensamentos... que cada equipo entendía nos versos elixidos.
Este ano, polas Letras Galegas, a homenaxeada é Xela Arias. Profesora, tradutora e escritora.
Empezou dende moi nova a escribir e a recibir premios e ao longo da súa vida adulta traballou para a editorial Xerais na tradución de libros de Cervantes, Gianni Rodari ou Donald Dahl.
Tamén publicou as súas porpias obras, unha delas adicada ao seu fillo Darío, ao nacer este.
E todo isto o puidemos aprender a través dun xogo, con Genially, no que tiñamos que estar atentos a pequenas lecturas das obras de Xela e tamén a algúns audios para, despois, contestar ben ás preguntas que nos axudaban a levar a bo término o xogo.
