Aprendizaxe cooperativo - Folio xiratorio

 Hoxe na clase de galego tivemos a oportunidade de mesturar un feixe de actividades diferentes: O folio xiratorio, unha actividade de aprendizaxe colaborativo; a escritura creativa, deixando libre a nosa capacidade de imaxinació; e os contidos do porfolio. 

Nesta actividade fumos creando unha historia por turnos, na que cada un dos membros do equipo tiña un tempo para crear unha parte da historia. Cando o tempo remata, o folio pasará ao seguinte integrante do grupo que, noutra cor de bolígrafo, será encargado de continuar a historia. 

Dende células e os reinos da natureza ata os reinos animais

Sabedes en cantos reinos podemos clasificar os seres vivos? Os alumnos de 5º estanse facendo uns expertos do campo: Autótrofos ou heterótrofos, unicelulares ou pluricelulares, eucariotas ou procariotas...

Despois de facer un montón de rutinas coma o antes pensaba agora penso, as partes e o todo, 3,2,1 ponte, compara e contrasta... e comezar o noso proceso de indagación dos seres vivos, chega o momento de ir un paso máis adiante. 

Hoxe comezamos a tarefa 2, que ten como eixo principal os animais. Como poden clasificarse? Podemos facelo en función da nutrición, da reprodución, da presencia ou non de esqueleto... Agárdannos un montón de rutinas novas coas que exprimir as nosas cabezas. 

Vive y deja vivir

 Sabedes de onde ven o nome do noso tópico? Seguro que os rapaces volo saben dicir. Hoxe damos comezo ao novo proxecto, que terá como eixo principal os seres vivos. Durante este aprenderemos un montón de cousas novas: Que características teñen os seres vivos, que funcións cumpren, como se clasifican, como é a súa vida e o medio no que viven, por que están compostos... 

Como sempre, comezamos o día coa nosa situación de aprendizaxe. En primeiro lugar saímos ó patio a escanear as árbores e prantas que temos ó noso arredor, dándonos información sobre eles, o seu nome científico e o estado no que se atopan. A continuación fixemos unha búsqueda de pistas por grupos polo patio, cada grupo tiña que atopar as pistas correspondetes á súa cor, e tras reunilas e recopilar toda a información que aparecían nelas tiñan que adivinar cal era o animal que se atopaba tras todas esas características e datos curiosos que había nas pistas.

Por último, ao chegar ó aula puidemos desfrutar dalgúns dos animais dos que falamos antes a través da realidade aumentada. A través dun dispositivo electrónico fixemos que eses animais estivesen no pupitre, puiden así observalos detalladamente e máis de cerca. 

Agárdanos un trimestre cheo de aventuras! Queres acompañarnos?

Visita ao Panteón Real

 Na Catedral de Santiago existe un espazo especial reservado para aquelas persóas influentes que xogaron un papel importante na construción e posta en valor da Catedral de Santiago. Coñecédelo? Hoxe, o alumnado de 5º tivo a oportunidade de visitalo.

Entre as persóas que descansan neste espazo podemos atopar ó bispo Teodomiro, o descubridor da tumba do apóstolo Santiago e pioneiro na creación da Catedral, a gran raíña Xoana de Castro, o bispo Diego Xelmírez, o valente raíña Urraca I...

Neste espazo situado na Capela das Reliquias puidemos aprender un pouco máis sobre a Idade Media, as costumes e tradicións dos reis e bispos, e aumentar o noso coñecemento sobre a cultura que se agocha trala Catedral de Santiago.

Expertos da programación

 Unha das actividades que levamos a cabo no proxecto deste trimestre é a elaboración e programación dunha ponte levadiza. Para levala a cabo, utilizamos os nosos kits de lego para posteriormente programar as construcións na aplicación de WeDo 2.0.

En primeiro lugar construímos unha ponte conectada ao motor a través dunha polea. Posteriormente conectamos o sensor á parte de abaixo da ponte, e construímos tamén unhas escaleiras para que accedan os peóns e máis un barco para poder realizar o simulacro de forma realista.

Unha vez temos todo montado chega o momento máis motivador! Os alumnos deberán programar a ponte para que suba e baixe, deixando tempo suficiente para que os barcos pasen. Conseguido isto, aumenta a dificultade engadindo cores aos semáforos, programando o sensor para que se active cando detecta movemento, facendo soar unha serea que avise da posibilidade de paso... Menudos expertos! E que manera de disfrutar!  

La clavada y el ataque doble

 En Casa do Neno seguimos formando a pequeños maestros de la lógica y el razonamiento a través del programa de ajedrez en el aula. Hoy aprendimos dos tipos de jugadas nuevas: la clavada y el ataque doble. ¿Sabéis de que tratan?

El ataque doble consiste en mover una de nuestras piezas a una posición en la que amenace a dos fichas diferentes del oponente. 

Por otra parte, la clavada consistiría en mover una de nuestras piezas para amenazar a dos fichas rivales, una de forma directa y otra indirecta. De esta forma, amenazamos a una ficha del oponente, y si esta se mueve dejaría desprotegida a otra de sus piezas.